Шымкент қаласы Полиция департаменті қызметкерлері арасында «Кітап оқитын ұлт» оқырмандар клубы аясында кітаптарды талқылау және пікір алмасу іс-шарасы өтті.

Іс-шара барысында Департаменттің құрылымдық бөлімшелеріне ұсынылған «Тасқын», «Көшпенділер», «Қан мен тер», «Абай жолы» секілді басқа да шығармалар талқыланды.

Қатысушылар кітаптардың мазмұны мен негізгі идеялары бойынша өз ой-пікірлерін ортаға салып, шығармалардағы тағылымды дүниелердің полиция қызметіне ықпалы және оларды күнделікті қызметте қолдану мүмкіндіктері жөнінде пікір алмасты.

Іс-шара соңында оқырмандарды кітап оқуға ынталандыру мақсатында «Kitapal» кітап дүкенінің сертификаттары сыйға тартылды.