Павлодар облысында ТжКБ ұйымдарының педагогтеріне арналған біліктілікті арттыру курстары өткізілуде.
Курсты ұйымдастырушылар:
Қазақстан Республикасы Оқу-ағарту министрлігі және «Talap» КеАҚ.
Курстың мақсаты – ТжКБ ұйымдарындағы жалпы білім беру пәндері педагогтерінің кәсіби құзыреттілігін арттыру, білім беру үдерісін заманауи тәсілдер негізінде жобалау және тиімді оқыту технологияларын тәжірибеде қолдану дағдыларын жетілдіру.
Курс барысында педагогтер 3 негізгі бағыт бойынша білімдері мен практикалық дағдыларын жетілдіруде:
Білім берудегі заманауи технологиялар – оқыту үдерісінде заманауи педагогикалық тәсілдер мен құралдарды тиімді пайдалану;
Scaffold құралдарын пайдалана отырып оқу сабақтарын жобалау – білім алушыларға оқу материалын меңгеруге кезең-кезеңімен қолдау көрсету және сабақ құрылымын тиімді ұйымдастыру;
Мамандық бейінін ескере отырып, модуль/пән бойынша білім беру процесін жобалаудың заманауи құралдары – оқу мазмұнын білім алушылардың кәсіби бағытымен байланыстыра отырып, білім беру үдерісін тиімді жоспарлау.
Курс педагогтердің кәсіби тәжірибесін жетілдіруге, жаңа әдістерді оқу үдерісіне енгізуге және білім беру сапасын арттыруға бағытталған.
