Жаңаөзен қаласында құқық бұзушылықтардың алдын алу, қоғамдық қауіпсіздікті қамтамасыз ету және пәтер ұрлығының алдын алу мақсатында «Пәтер» жедел-профилактикалық іс-шарасы өткізілуде.
Іс-шара аясында полиция қызметкерлері тұрғын үйлерді аралап, азаматтарға мүліктің сақталуын қамтамасыз етуге бағытталған қауіпсіздік шараларын түсіндіруде.
Полиция қызметкерлері тұрғындарға:
🔹 пәтердің есігін ашық қалдырмауға;
🔹 кілтті бөгде адамдарға бермеуге;
🔹 ұзақ уақытқа үйден кеткен жағдайда қосымша қауіпсіздік шараларын қабылдауға;
🔹 бейтаныс және күдікті адамдарға қатысты қырағылық танытуға кеңес береді.
Полиция күмәнді жағдай немесе құқық бұзушылық белгілері байқалған жағдайда дереу 102 нөміріне хабарласуға шақырады.
Қауіпсіздік – әр азаматтың жауапкершілігінен басталады!