Түпқараған ауданы полиция бөлімінің учаскелік полиция инспекторы, полиция аға лейтенанты Д. Гайнуллин ауыл ақсақалдарымен кездесіп, интернет-алаяқтықтың алдын алу бойынша түсіндіру жұмыстарын жүргізді.
Кездесу барысында тұрғындарға интернет арқылы жасалатын алаяқтықтың кең таралған түрлері түсіндірілді. Полиция қызметкері күмәнді қоңыраулар мен хабарламаларға сенбеу, банк картасының деректері мен SMS-кодтарды бөгде адамдарға бермеу қажеттігін ескертті.
Сонымен қатар тұрғындарға бейтаныс сілтемелерге өтпеу және жеке мәліметтерді қорғау жөнінде кеңестер берілді.