Сот актілерін орындау мәселелері бойынша дөңгелек үстел өткізілді.
Іс-шараға Алматы облысы Әділет департаментінің, Алматы облысы бойынша КЕАҚ «Азаматтарға арналған үкімет» мемлекеттік корпорациясы» филиалының, Алматы облысының жеке сот орындаушыларының өңірлік палатасының, сондай-ақ Алматы облысының мамандандырылған ауданаралық экономикалық сотының өкілдері қатысты.
Дөңгелек үстел барысында қатысушылар сот актілерін орындау барысында туындайтын өзекті мәселелерді, мемлекеттік органдар мен ұйымдар арасындағы өзара іс-қимылды, сондай-ақ атқарушылық іс жүргізуді жетілдіру жолдарын талқылады.
Сот орындаушыларының мүдделі мемлекеттік органдармен және ұйымдармен тиімді өзара іс-қимыл жасауына, сот актілерін уақтылы орындауға, сондай-ақ азаматтар мен заңды тұлғалардың құқықтары мен заңды мүдделерін сақтауға ерекше назар аударылды.
Іс-шара барысында сындарлы пікір алмасу және практикалық тәжірибе бөлісу жүргізілді. Қатысушылар тәжірибеде туындайтын проблемалық мәселелерді қарастырып, сот актілерін орындаудың тиімділігін арттыруға және ведомствоаралық өзара іс-қимылды одан әрі жетілдіруге бағытталған ұсыныстар әзірледі.
