«ЗАҢ МЕН ТӘРТІП» ТҰЖЫРЫМДАМАСЫ АЯСЫНДА ДӘРІС ӨТКІЗІЛДІ
«Заң мен тәртіп» тұжырымдамасын іске асыру және жастардың құқықтық сауаттылығын арттыру мақсатында 14.09.2026 жылы Алматы облысы Әділет департаментінің Еңбекшіқазақ ауданының ауданаралық мәжбүрлеп орындату аумақтық бөлімі филиалымен Есік кәсіптік-техникалық колледжінің студенттерімен кездесу өткізіп, дәріс ұйымдастырды.
Іс-шара барысында студенттерге Әділет департаментінің негізгі міндеттері мен қызмет бағыттары түсіндіріліп, әділет органдарының азаматтардың құқықтары мен заңды мүдделерін қорғаудағы рөлі туралы ақпарат берілді.
Кездесу соңында студенттер өздерін қызықтырған сұрақтарын қойып, мамандардан жауап алды.
