«СУРДОТЕХНИКАЛЫҚ ҚҰРАЛДАР ТУРАЛЫ» СҰРАҚ ЖӘНЕ ЖАУАП.
Сұрақ: Сурдотехникалық құралдар дегеніміз не?
Жауап: Сурдотехникалық құралдар – есту қабілетінің бұзылуын түзетуге және орнын толтыруға арналған техникалық құралдар, сондай-ақ дыбысты күшейтетін, ақпаратты байланыс және беру құралдары.
Сұрақ: Сурдотехникалық құралдардың қандай түрлері бар?
Жауап: Олар:
- есту қабілетінің төмендеу дәрежесіне байланысты орташа қуатты, қуатты және аса қуатты болып бөлінетін есту аппараттары;
- веб-камерасы бар ноутбук;
- көпфункционалды сигнал беру жүйесі;
- мәтіндік хабарламаларды қабылдау және жіберу, сондай-ақ бейнебайланыс функциясы бар ұялы телефон;
- саңырау және нашар еститін адамдарға арналған сағат;
- кохлеарлық импланттарға арналған сөйлеу процессоры;
- дауыс шығаратын аппарат.
Сұрақ: Сурдотехникалық құралдарға жеке оңалту бағдарламасын кім ұсынады және ол қалай әзірленеді?
Жауап: Сурдотехникалық құралдарға арналған жеке оңалту бағдарламасы мүгедектігі бар адамның оңалту іс-шараларын жүргізуге қажеттілігіне қарай, емдеу мекемесінің дәрігерлік-консультациялық комиссиясының, яғни ДКК-ның есту қабілеті бұзылған мүгедектігі бар адамдарға берген ұсынымдарын ескере отырып, медициналық-әлеуметтік сараптама бөлімдерімен әзірленеді. Сурдотехникалық құралдарды сатып алу оларды ауыстыру мерзімдерін ескере отырып, Әлеуметтік қызметтер порталы арқылы жүзеге асырылады.
Сурдотехникалық құралдар – есту қабілетінің бұзылуы салдарынан туындайтын тіршілік әрекетінің шектелуін өтеу құралдарының бірі болып табылады. Олардың түпкі мақсаты – адамның есту арқылы қабылдауын жақсарту ғана емес, сонымен қатар оның дербестігін, білім алуын, еңбек және қоғамдық қызметке қатысуын арттыру және нәтижесінде қоғамға әлеуметтік интеграциялануын қамтамасыз ету.