«Кітап оқитын ұлт – Читающая нация» республикалық марафоны аясында Оқу орталығының тыңдаушылары Шымкент қаласы Полиция департаментінің мұражайына барып, ондағы кітап қорымен танысты.

Іс-шара барысында тыңдаушылар мұражайда орналасқан әдебиеттерді оқып, олардың мазмұнымен танысты және өзара пікір алмасты. Кітап оқу мәдениетін қалыптастыру, рухани-адамгершілік құндылықтарды дәріптеу және жастардың әдебиетке деген қызығушылығын арттыруға бағытталған іс-шара тыңдаушылардың танымдық көкжиегін кеңейтуге мүмкіндік берді.

Аталған бастама кітап оқуға деген қызығушылықты арттырып, білім мен рухани құндылықтарды насихаттауға өз үлесін қосты.