Отбасы күніне орай Астана қаласының «Байқоңыр» ауданындағы Ататүрік саябағында скандинавиялық жүрістен «Күзгі марафон» спорттық іс-шарасы ұйымдастырылды.
Іс-шараның негізгі мақсаты – отбасылық құндылықтарды дәріптеу, отбасы мүшелері арасындағы бірлік пен өзара қолдауды нығайту, отбасының қоғамдағы маңызын арттыру, сондай-ақ салауатты өмір салтын насихаттау.
Марафонға белсенді зейнеткерлер мен аудан тұрғындары қатысып, таза ауада дене шынықтырумен айналысып, өзара қарым-қатынасты нығайтуға мүмкіндік алды.
Мұндай іс-шаралар аға буын өкілдерінің белсенді өмір салтын ұстануына және қоғамдық өмірге араласуына ықпал етеді.
