2026 жылы 08 қыркүйекте Түркістан қалалық санитариялық-карантиндік бақылау бөлімінің мамандары «Түркістан халықаралық әуежайы» АҚ қызметкерлеріне «Эбола қызбасы: эпидемиологиясы, клиникасы,жұқтыру жолдары және алдын алу шаралары» тақырыбында семинар өткізді. Іс-шара барысында мамандар Эбола қызбасы ауруының эпидемиологиясы, клиникасы, жұқтыру жолдары және алдын алу шаралары туралы ақпарат берді. Сонымен қатар, санитариялық-профилактикалық және эпидемияға қарсы іс-шараларды ұйымдастыру, инфекциялық ауруыдың алдын алу, сондай-ақ халықтың санитариялық сауаттылығын арттыру мәселелері талқыланды. Семинар барысында қатысушылар өздерін қызықтырған сұрақтарын қойып, тәжірибе алмасып, практикалық ұсыныстар алды. Өткізілген іс-шара жұқпалы аурулардың алдын алу саласындағы білім деңгейін арттыруға және кәсіби дағдыларды жетілдіруге мүмкіндік берді.
«Эбола қызбасы: эпидемиологиясы, клиникасы, жұғу жолдары және алдын алу шаралары» тақырыбында семинар өткізілді
