📚 ЖАҢА ОҚУ ЖЫЛЫНА ДАЙЫНДЫҚ: ОҚУЛЫҚТАР ЖЕТКІЗІЛУДЕ Бөкей ордасы ауданының білім беру ұйымдарында 2026–2027 жаңа оқу жылына дайындық жұмыстары жоспарға сәйкес жүргізілуде. Соның ішінде оқушыларды қажетті оқу-әдістемелік кешендермен қамтамасыз ету жұмыстарына ерекше назар аударылуда. Жаңа оқу жылына жаңадан басылып шыққан 3-сыныптың «Қазақ тілі», «Әдебиеттік оқу» («Атамұра» баспасы), «Математика», «Дүниетану», «Музыка» («Алматыкітап» баспасы) және 7-сыныптың «Дүние жүзі тарихы» («Мектеп» баспасы) оқулықтары жеткізілді. Сонымен қатар мектепалды даярлық тобы мен 1-сыныпқа арналған жұмыс дәптерлері, мектепке дейінгі ұйымдарға қажетті дәптерлер де білім беру ұйымдарына таратылуда. Жеткізілген оқулықтар белгіленген тәртіппен мектептерге таратылып, жаңа оқу жылы басталғанға дейін оқушыларды толық қамтамасыз ету жоспарлануда
Дереккөз: https://www.gov.kz/memleket/entities/bilim-bokeyorda/press/events/details/48654?lang=kk