Жітіқара аудандық мәслихаты ШЕШТІ:
1. Мәслихаттың «Жітіқара ауданының 2026-2028 жылдарға арналған аудандық бюджеті туралы» 2025 жылғы 26 желтоқсандағы № 348 (нормативтік құқықтық актілерді мемлекеттік тіркеу тізілімінде № 221214 болып тіркелген) шешіміне мынадай өзгерістер мен толықтыру енгізілсін:
1-тармақ жаңа редакцияда жазылсын:
«1. Жітіқара ауданының 2026-2028 жылдарға арналған аудандық бюджеті тиісінше 1, 2 және 3-қосымшаларға сәйкес, оның ішінде 2026 жылға мынадай көлемдерде бекітілсін:
1) кірістер – 6 829 448,4 мың теңге, оның ішінде:
салықтық түсімдер бойынша – 3 809 495,0 мың теңге;
салықтық емес түсімдер бойынша – 102 391,0 мың теңге;
негізгі капиталды сатудан түсетін түсімдер бойынша – 18 931,6 мың теңге;
трансферттер түсiмi бойынша – 2 898 630,8 мың теңге;
2) шығындар – 7 310 287,6 мың теңге;
3) таза бюджеттік кредиттеу – 617 116,6 мың теңге, оның ішінде:
бюджеттік кредиттер – 855 678,6 мың теңге;
бюджеттік кредиттерді өтеу – 238 562,0 мың теңге;
4) қаржы активтерімен операциялар бойынша сальдо – 0,0 мың теңге;
5) бюджет тапшылығы (профициті) – -1 097 955,8 мың теңге;
6) бюджет тапшылығын қаржыландыру (профицитін пайдалану) – 1 097 955,8 мың теңге.»;
6-тармақ жаңа редакцияда жазылсын:
«6. Жітіқара ауданының жергілікті атқарушы органының 2026 жылға арналған резерві 3 219,5 мың теңге сомасында бекітілсін.»;
8-тармақ мынадай мазмұндағы 19) тармақшамен толықтырылсын:
«19) техникалық көмекші (компенсаторлық) құралдар мен арнаулы жүріп-тұру құралдарының тізбесін кеңейтуге.»;
көрсетілген шешімнің 1-қосымшасы осы шешімнің қосымшасына сәйкес жаңа редакцияда жазылсын.
2. Осы шешім 2026 жылғы 1 қаңтардан бастап қолданысқа енгізіледі.