Шаруашылық жүргізу құқығындағы «Алакөл аудандық ауруханасы» МКҚК Қабанбай ауылы бөлімшесінің Жыланды дәрігерлік амбулаториясының негізгі міндеттері
Жыланды дәрігерлік амбулаториясы – ауыл тұрғындарына медициналық көмектің қолжетімділігін арттыру мақсатында жаңадан ашылған, заманауи талаптарға сай медициналық-санитариялық көмек көрсететін медициналық ұйым. Амбулатория өзіне бекітілген аумақтағы тұрғындарға профилактикалық, диагностикалық, емдік және медициналық-әлеуметтік көмек көрсетуді ұйымдастырады.
Жыланды дәрігерлік амбулаториясының негізгі міндеттері:
- Өзіне бекітілген аумақтың халқына алғашқы медициналық-санитариялық көмекті амбулаториялық жағдайда және үйде көрсетуді ұйымдастыру және қамтамасыз ету;
- Тұрғындардың денсаулық жағдайын тұрақты бақылау, ауруларды ерте анықтау, олардың асқынуы мен созылмалы түрге ауысуының алдын алу;
- Халық арасында аурушаңдықты, мүгедектікті және өлім-жітімді төмендетуге бағытталған кешенді профилактикалық іс-шараларды ұйымдастыру және жүргізу;
- Тұрғындарға медициналық көмектің қолжетімділігін қамтамасыз ету, әсіресе балаларға, жүкті әйелдерге, қарт адамдарға, созылмалы аурулары бар пациенттерге және медициналық бақылауды қажет ететін азаматтарға қажетті көмекті уақытылы көрсету;
- Күндізгі стационардың жұмысын ұйымдастыру, медициналық көрсетілімдер бойынша пациенттерді күндізгі уақытта қабылдау, емдеу және динамикалық бақылау жүргізу;
- Күндізгі стационарда пациенттерге дәрігердің тағайындауы бойынша емдік және диагностикалық шараларды жүргізу, медициналық процедураларды орындау және ем нәтижесін бақылау;
- Халықты профилактикалық медициналық қарап-тексерулермен және скринингтік зерттеулермен қамтуды ұйымдастыру;
- Жас ерекшеліктері мен нысаналы топтарға сәйкес онкологиялық, жүрек-қантамыр және басқа да әлеуметтік маңызы бар ауруларды ерте анықтау мақсатында скринингтік тексерулерді ұйымдастыру және жүргізу;
- Туберкулез және басқа да тыныс алу жүйесі ауруларын ерте анықтау мақсатында тұрғындарды флюорографиялық тексерумен қамтуды ұйымдастыру және флюорографиядан өту көрсеткіштерін бақылау;
- Скрининг және профилактикалық тексеру нәтижесінде ауруға күдікті немесе қауіп тобына жататын азаматтарды қосымша тексеруге, бейінді мамандардың консультациясына және қажетті емге уақытылы жіберуді ұйымдастыру;